Igl atun 1971 elegian las giuventetgnas dad Uors e Surcasti ensemen cun sur Giusep Cathomas 4 persunas per meglierar la collaboraziun dallas uniuns. Enstagl da statutas vegnan entgins puncts impurtonts fixai per la veta da cumminonza. Il tgamun dall’uniun da giuventetgna Surcati/Uors consisteva lu ord in president general, dus responsabels (1 per vischnaunca), in cassier ed in actuar. L’incumpensa dils responsabels locals era da mantener ils usits da mintga vischnaunca sco tochen dacheu. Expensas per occasiuns locals vegnevan finanziai ord la cassa generala. Ils 9 da schaner 1974 ha la cumpignia envidau l’emprema gada alla sera famigliara communabla. Sin proposta da sur Giusep Cathomas ha l’uniun da giuventetgna Uors/Surcasti lu era arranschau in sault per gidar da pagar ils cuosts da renovaziun dalla caplutta S. Carli ad Uors.
A caschun dalla radunonza generala dils 9 d’october 1987 vegn tematisau in’eventuala fusiun cun l’uniun da giuventetgna da Tersnaus. Las statutas existevan gia. El decuors dalla medema sera ha il president dall’uniun da Tersnaus purtau la novitad ch’ils da Tersnaus seigien buca propmpts da seligiar e purtar sulettamein 3 commembers ch’ein tuttina buca prompts da surprender in uffeci ni l’auter. Aschia duei l’uniun da giuventetgna da Tersnaus pli bugen sesligiar. Era a Surcasti/Uors vegneva discussiunau davart igl avegnir dall’uniun. Il diember da commembers era numnadamein sereducius marcantamein. Denter auter era vegniu decidiu da dar ina summa per la nov’orgla da S. Luregn priu il cass che l’uniun vegness sligiada. En ina brev duei plinavon vegnir retschercau igl interess per l’uniun da giuventetgna. Pli tard han ins saviu beneventar 14 novs commembers aschia che l’uniun ha saviu exister vinavon.
Igl 1. da november 1975 vegn proponiu e decidiu da far ina sera da tscheiver ensemen cun las uniuns da Camuns e Tersnaus. Naven da lu duei il contact cun Camuns e Tersnaus vegnir pli stretgs seigi quei cun ulteriuras seras da tscheiver ni cun viadis.
Alla radunonza generala dils 13 d’otober 1979 ha la giuventetgna Surcasti/Uors tractau denter auter il reglament da matgs e tschupials. Quel prevedeva denter auter la collaboraziun denter giuvnas e giuvens da Surcasti ed Uors per far tschupials, independentamein per tgei vischnaunca. Alla radunonza generala 1979 vegn plinavon decidiu da far sontgaclau communabel denter Uors, Surcasti, Tersnaus e Camuns. Legreivlamein han ins quei onn era saviu prender si 39 commembras e commembers novs ell’uniun da giuventetgna Surcasti/Uors.
Alla radunonza dils 4 da zercladur 1994 s’occupescha la tractanda 5 cun la reuniun ad in’uniun da giuventetgna Suraua. Ils 22 d’october 1994 vala sinaquei sco datum da fundaziun dall’uniun da giuventetgna Suraua. Damai che Camuns possedeva lu era negin’uniun da giuventetgna pli, fan daniev 6 commembers da Camuns e Tersnaus part all’uniun.
"L’obligaziun principala dalla cumpignia da mats era da far parada da Sontgilcrest ni a caschun dad autras fiastas ecclesiasticas. Ils giuvens eran vestgi en mondura da militar cun capallina e purtavan in carabiner. Il capitani purtava ina mondura d’officier. Il purtar la bandiera dall’uniun era da lezs temps ina gronda honur. La bandiera vegneva numnadamein ingantada avon che semetter sin via cun la parada. Quella activitad dallas cumpignias da mats tonscha lunsch anavos. Il gi da Sontgilcrest igl onn 1747 ei documentau dad ina giuvna ch’ei vegnida blessada mortalmein entras in siet dad ina buis. La medema disgrazia ei serepetida igl onn 1899 a Sogn Luregn."
"Die Hauptaufgabe war es, anlässlich verschiedener Kirchenfeste die Parade durchzuführen. Die Jungen waren mit Militäruniform, Helm und Karabiner ausgestattet. Der Kapitän trug eine Offiziersuniform. Besonders angesehen war das Tragen der Vereinsfahne. Diese wurde jeweils vor der Parade versteigert. Diese Aktivitäten reichen weit zurück. An Fronleichnam im Jahre 1747 wurde eine junge Frau tödlich von einem Schuss getroffen. Solch ein trauriger Ereignis wiederholte sich im Jahr 1899 in Sogn Luregn."
Giuventetgna Tersnaus - S. Martin
Jungmannschaft Tersnaus - St. Martin
La pli veglia bandiera en retscha ei digl onn 1920. Dad in maun ei da veser l’inscripziun «Jungmannschaft Tersnaus-St. Martin» ed il uoppen Svizer. Da l’autra vart Sogn Aluis e l’inscripziun «Treu zu Gott u. Vaterland».
Die älteste Fahne im Bunde stammt aus dem Jahr 1920. Auf der linken Seite sin die Inschrift «Jungmannschaft Tersnaus-St. Martin» sowie das Schweizer Wappen abgebildet. Auf der rechten Seite ist der Heilige Alois abgebildet.
Compagnia de mats Uors
Knabengesellschaft Uors
La bandiera ord igl onn 1930 muossa d’in maun igl uoppen da vischnaunca cugl uors e l’inscripziun «compagnia de mats Uors 1930» e da l’auter maun la caplutta da Sogn Carli.
Die Fahne aus dem Jahr 1930 zeigt auf einer Seite das Gemeindewappen mit dem Bären sowie die romanische Inschrift «Knabengesellschaft Uors 1930» und auf der anderen Seite die Kapelle von Sankt Carli in Uors.
Cumpignia de mats Camuns
Kabengesellschaft Camuns
La pli giuvna bandiera datescha digl onn 1947. Dad in maun ei da veser la baselgia da Camuns. Da l’auter maun la Pala da Tgiern cun la lavina e Sogn Paul.
Die jüngste Fahne datiert aus dem Jahr 1947. Auf der rechten Seite ist die Kirche von Camuns mit der romanischen Inschrift «Knabengesellschaft Camuns 1947» abgebildet. Auf der linken Seite sehen Sie den Heiligen Paul vor dem Niedergang der Lawine von der «Pala da Tgiern».
Cumpignia da mats Surcasti
Knabengesellschaft Surcasti
La bandiera da Surcasti datescha digl onn 1930 e muossa da domisduas varts la baselgia da Sogn Luregn.
Die Fahne von Surcasti stammt aus dem Jahr 1930 und zeigt auf beiden Seiten die Kirche von St. Lorenz.
Cumpignia da mats e chor viril Peiden
Knabengesellschaft und Männerchor Peiden
La bandiera da Peiden datescha digl onn 1933 ed ei medemamein la bandiera dil chor viril da Peiden cun Sogn Glieci, patrun dalla caplutta a Peiden-Bogn.
Die Fahne von Peiden stammt aus dem Jahr 1933 und ist gleichzeitig die Fahne des Männerchors von Peiden mit St. Luzius, Patron der Kapelle in Peiden-Bad.